جدايي مې ياره ستا شوله په برخه

جدايي مې ياره ستا شوله په برخه

ستا له ما سره کافي ده دغه نخښه

ترڅ زما شو ستا صورت پخپل مراد کې

گنې توره د ستم دې وه نيم کښه

ښه ده ښه ده مرادمند دې رقيبان کړه

د دوی خوا دې په تذليل زما کړه يخه

تعجب څه دی که زه ملنگ صفت شم

چې مې قوت د خپل بدن شوه وينه خوښه

په اوبو دې د وصال يم صيقل شوی

فکر هېڅ وېره مې نه شي له دوزخه

ستا د ناز او د ادا په توره مړ يم

ځکه ماته عاشقان وايي چې بخښه

چې ستار يې نو مستور هېچرې نه يې

دا خبره د حمزه ده په زړه ښخه