غزل که د زړه په وينو رنگ دچا گوگل شي رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 که د زړه په وينو رنگ دچا گوگل شي چې بېلتون په جهان شته دی خو به بېل شي 02 که د اوښکو په درياب باندې يې نهال کړې نيشکر به نيشکر شي نل بهنل شي 03 مشقت د سړي واړه حبطه دی په ښوره کې چې دگل بوټی نهل شي 04 د دنيا ياري دوستي څه په کار نه ده له اوله يار و دوست وي پسې غل شي 05 که هر څو يې وبله مهر ومحبت وي نهايت سره په جنگ و په جدل شي 06 په مثال د دروغجنې ملغلرې آب و تاب يې په دوه ورځې کې بدل شي 07 که يې زنه دځوانۍ په وخت کې سېب وي هغه سېب يې په پيرۍ کې بيا حنظل شي 08 د رقيب له بده خويه به څه وايم ترويې گوره چې لا يار ور سره مل شي 09 زه رحمان ديار په ښه او بد پوهېږم کشکې زهر په دهن دچا عسل شي د قاموس مانا × اصلي کلمه
