که مين زه په گلزار يمه په ځای يم

که مين زه په گلزار يمه په ځای يم

که دمخ يې په نندار يمه په ځای يم

چې جدا ور ځنې پانو يم عالمه

په ژړا که په چغار يمه په ځای يم

يار مې لاړ شو په دا لار ورپسې درومم

که ډېر ستړی په دا لار يمه په ځای يم

بې له عشقه بله چار نشته بهتره

که دايم د عشق په چار يمه په ځای يم

په جنت کې هم د حورو صفت کېږي

که طالب د ښه نگار يمه په ځای يم

له خوږو شونډو يې سرې شکرې اوري

که توتي د شکر بار يمه په ځای يم

زه خوشال په لېونتوب کې خوشالي کړم

لېونی د پريوار په ځای يم