که وبلبل د تصوف د گلستان خسرو

که وبلبل د تصوف د گلستان خسرو

دشاعرۍ هم وطوطي شېوا بيان خسرو

خود اندازه دشخصيت به يې اسانه نه وي

چې و محبوب د الهي ته داسې گران خسرو

د زمانې د بوډۍ گونجې به يې ورک نه کړي

تل به ې ښکاري په تندي کې درخشان خسرو

سحر جبينه خندا وکړه شاعرۍ او ادب

کړو ددې فن دتاريکۍ څيرې گرېوان خسرو

لکه دشمعې څڅېدلو په خندا خندا

و دماحول په تيرو باندې گريان خسرو

د چا د زلفو جمعيت و زړه راښکون ورکړی

نه و نگهت غوندې بېواکه پرېشان خسرو

حمزه پيدا يې انقلاب کړو په دنيا د ادب

زړه په درزا کړلو د هند او د ايران خسرو