غزل که و درک د انسان گران چرته و امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 که و درک د انسان گران چرته و او که و چرته نو اسان چرته و 02 هسې دې مخ وته پلو ونيوه دلته د پاس کتلو توان چرته و 03 ډېر لېونتوب مې لېونتوب کړو په خود چې په تکل دې چې گرېوان چرته و 04 سر يې غوښتو، زماهمت يې کتو زړگيه لا يې امتحان چرته و 05 چې آيينې ته دهستۍ راغی مخکې حيرت چرته، حيران چرته و 06 بس خو يو خدای دی چې خبر يې کړمه زه په لټون وم چې انسان چرته و 07 که چرې زه نه وی زما به نه و بې له زمانه دا امکان چرته و 08 د زلفو کور ته مې نظر تللی و نور مې ونه ليد چې پرېشان چرته و 09 هغه محفل ته به ورنه شمه بيا پکې هر څه وو، خو افغان چرته و 10 شېبرو اوښکو ته موسکی شو زما گوره برېښنا چرته، باران چرته و 11 حمزه کېدی شي په ابهام کې ابهام وې چې ورځمه خو روان چرته و د قاموس مانا × اصلي کلمه
