که يو نظر وکړي په ما باندې بابا د بونېر

که يو نظر وکړي په ما باندې بابا د بونېر

محبوب د رب په رښتيا شاه با صفا د بونير

چې دبدبه يې په هر کور د خراسان پرته ده

دی ترمذي سيد علي ښکلی فتی د بونير

زړه له گناه که مرغېژن وي په دو دو دې راځي

ده مرده روح لره دوا آب و هوا د بونير

يا خو کوثر او يا تسنيم ددې مقام اوبه دي

ډکه نگهت نه د جنت وي تل فضا د بونير

گېره کشتۍ که په گرداب کې دگناه وي دچا

په يو نظر به يې بهر کړي ناخدا د بونير

حمزه هم دا يوه سودا به دې هوښيار کاندي

چې بهر نه کړې د خپل سر ځنې سودا د بونير