کله چې له خپله ځانه تېر شي لارې جوړې شي

کله چې له خپله ځانه تېر شي لارې جوړې شي

دوه مېن چې يو دبل په څېر شي لارې جوړې شي

ياد چې داسې ياد وي چې نور هېڅ ورته يادېږي نه

بيا چې هغه ياد هم ترې نه هېر شي لارې جوړې شي

لارې پيدا نه کړي که يې تنده دلټون وي څه

بس خو چې له ټولو لارو سېر شي لارې جوړې شي

گرانه ده خوږو ته د وصال چې ورسېږي څوک

هو که ماسوی ورته گنډېر شي لارې جوړې شي

لا خو حمزه کم دی چې په رو گودر پوهېږي نه

هو که چېرې غم له حد نه ډېر شي لارې جوړې شي