کله مې وژنې کله ما له جام دجم راکوې

کله مې وژنې کله ما له جام دجم راکوې

کله عسل د سرو لبانو کله سم راکوې

کله گدا مې د در در په بې نيازۍ کړې ياره

کله مې کښېنوې په تخت لاس کې قلم راکوې

کله په بحر د وجود کې مې لاهو کړې وجود

کله غوټې راله په سيند کې دعدم راکوې

کله عاري د بصارت او بصيرت نه کړې ما

کله مراد د کرم رشک جام جم راکوې

کله خلت د ابراهيم راته عطا کړې په شوق

کله اخلاص هم د آزر راته صنم راکوې

کله نظر غلط انداز هم په ما نه کړې چرې

کله موسکی شې راته ډک لاس د کرم راکوې

کله يو دم لکه د خان کړې بې نوا حمزه

کله په لاس د حکومتت راته علم راکوې