کلک خراباتي يم له ما مه غواړه صلاح

کلک خراباتي يم له ما مه غواړه صلاح

ډکې پيالې اخلم تر صباحه تر رواح

څوک دی چېدنمر خوبي به ستا د مخ په څېر کا

نمر مثال چراغ دی، ستا جمال لکه صباح

مه پوښه زاهده د ښه مخ له نندارو نه

سترگې، چې دا کار دی په فتوی د عشق مباح

توی کړه په هنگام د حادثې ساقي په جام کې

می چې باد راپاڅي په زجاج کې ښه مصباح

پاڅه محتسبه! خوشال راغی جنگ ته جوړ شه

غسل په می وکړه، د مؤمن وضو سلاح