ښه ده منم چې موږ ته څه ښکاري

ښه ده منم چې موږ ته څه ښکاري

هغه هم ومنه چې نه ښکاري

بيا هغو نورو ته خو بد مه وايه

ستا په نظر کې څه ښه ښکاري

پام چې فريب د تمنا ونه خورې

سراب خو تږي ته اوبه ښکاري

راتله ايجاد گڼه د ژوند د ارمان

گنې که ځير شې همه تله ښکاری

چې چرته تگ چرته راتگ وښيي

دا نښانې د چا دپله ښکاري

چې بيداري شي تر حده تېره د چا

هغه پوهانو تاوده ښکاري

مونږ چې ليمه د يو او بل شو حمزه

اوس زه هغه او هغه زه ښکاري