لا ژوند د خپل خر د مې په احساس کې پاتې دی

لا ژوند د خپل خر د مې په احساس کې پاتې دی

يو ټوک چې د گرېوان زما په لاس کې پاتې دی

اشنا راته موسکی دی لاس مې خير په گستاخۍ

لېکن زړه مې له رعبه په وسواس کې پاتې دی

برېښنا د مخ په ستا وي گنې شته مې ايينه

مشکل دې د پرتو په انعکاس کې پاتې دی

اميد په حقيقت کې د ژوندون نه و باعث

صورت چې د اشنا زما په ياس کې پاتې دی

هر څو که دوه جهانه دې حمزه کړل يو نفس

لا راز د حقيقت په پاس انفاس کې پاتې دی