له رهزنه نشته هېڅ خطر په زړه کې

له رهزنه نشته هېڅ خطر په زړه کې

کړی خيال دی داشنا گذر په زړه کې

ستا ضمير مې دی اشنا رقيب ته تليه

غځونې مې کوي خبر په زړه کې

بيا لاله د زړه د داغ قصه کړه نوې

پسرلي مې کړه پيدا بصر په زړه کې

ستا په بام د غځونې تصور دی

ستا له مخ نه مې ده شپه سحر په زړه کې

دا ژوندون دی که هوا ده يار د مينې

چې خواهش مې شو د مرگ وزر په زړه کې

ستا د وروځو د خنجر له زخمه ځار شم

اوس خو راشه چې دې جوړ کړو ور په زړه کې

د حمزه ژبه به ولې خوږه نه وي

ستا ترخو يې کړو پيدا اثر په زړه کې