غزل له تانه چې جدا شم په ناکام په ورځ و شپه خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 له تانه چې جدا شم په ناکام په ورځ و شپه نه خوب، نه مې خوراک دی، نه آرام په ورځ و شپه 02 بل خيال فکر يې نه وي يې د يار له رويه، مويه د زړه په حال خبر يم زه مدام په ورځ و شپه 03 د مخ ثنا يې وايم، دزلفينو يې صفت کړم په خوله، که په خامه وي، صبح و شام په ورځ و شپه 04 يو ښه نظر چې و کا سرمايه مې د ژوندون شي کافي دی خلوتي ته يوبادام په ورځ و شپه 05 دمښکو، دکافورو خوشبويي به ترې قربان کړم که ستا له لوريه راشي يوپيغام په ورځ و شپه 06 د مښکو گل قندي به يې خوشال ترې صدقه کا که ته مې سرفراز کړې په دشنام په ورځ و شپه د قاموس مانا × اصلي کلمه
