له تانه چې جدا شم په ناکام په ورځ و شپه

له تانه چې جدا شم په ناکام په ورځ و شپه

نه خوب، نه مې خوراک دی، نه آرام په ورځ و شپه

بل خيال فکر يې نه وي يې د يار له رويه، مويه

د زړه په حال خبر يم زه مدام په ورځ و شپه

د مخ ثنا يې وايم، دزلفينو يې صفت کړم

په خوله، که په خامه وي، صبح و شام په ورځ و شپه

يو ښه نظر چې و کا سرمايه مې د ژوندون شي

کافي دی خلوتي ته يوبادام په ورځ و شپه

دمښکو، دکافورو خوشبويي به ترې قربان کړم

که ستا له لوريه راشي يوپيغام په ورځ و شپه

د مښکو گل قندي به يې خوشال ترې صدقه کا

که ته مې سرفراز کړې په دشنام په ورځ و شپه