غزل
لکه کار لري نظر
خوشحال خان خټکلکه کار لري نظر
هسې ژبه کا اثر
ماهيت يې مونده نه شي
چې څه څيز دی دا بشر؟
هم ترکيب د نېک او بد دی
هم معجون د خير و شر
هم فرشته دی، هم حيوان
هم مؤمن دی، هم کافر
کله اور کله اوبه شي
کله توره کله سپر
کله څورب شي له باده
کله بيا په هيڅ ډنگر
لکه دی دی په جهان کې
بل به نه وي د پدر
د څلورو ميندو زويه
د اتو پلارو پسر
څه خو لږ تر خدای راکوز دی
که يې نه دی برابر
دا و چاته کړې خوشاله!
د مستيه شور او شر