غزل لکه يار راسره يار و، هسې نه دی خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 لکه يار راسره يار و، هسې نه دی چې ډېر ډېر به مينه دار و، هسې نه دی 02 که په څو رنگه به ما ورباندې ناز کړ چې دناز مې خريدار و، هسې نه دی 03 د بهار بلبلې ژاړه څو په تا شي لکه تل تازه بهار و، هسې نه دی 04 ستا دمهر دباران باندې کمی شو چې مې جوړ د زړه گلزار و، هسې نه دی 05 شکرشکر چې يې څه خو خوی بدل شو چې يک لخته ستمگار و، هسې نه دی 06 يا يې ويره شي له خونه، يا يې هېر کړم چې مې مرگ ته په تلوار و، هسې نه دی 07 ډيرې مينې د خوشال عقل تغيير کړ لکه نور کله هوښيار و، هسې نه دی د قاموس مانا × اصلي کلمه
