لايزاله بادشاهي که چا موندله

لايزاله بادشاهي که چا موندله

کيخسرو به و خسرو ته نه سپارله

جام د ميو را په لاس کړه، ساقي گوره!

په هر لوري دا زما د غم کرله

په امان، امان يوه لاتېره نه وي

په زمان ، زمان ښکاره کا فلک بله

ډېر په باد لاړل د تا غوندې باد وړي

ته يې وروستو دم کره يې زما دله!

جام و ساز، ساقي، بهار واړه اسباب شته

صراحي ولې خالي وينم له مله

په جهان دنېکو نوم بويه خوشاله!

چې يادگار به وي تر تلو هم ترتله