غزل ما د ښكليو ننداره كړه ، زاهد ننگ كړ خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ما د ښكليو ننداره كړه ، زاهد ننگ كړ ښه خو دا چې خداى دى هم زما په رنگ كړ 02 هغه وخت چې را په ياد شي ډېر خوشحال شم چې به ما درته دعا كړه ، تا به جنگ كړ 03 زما زړه يې په قلاب د زلفو يووړ ورسره يې اوده كړى په پالنگ كړ 04 كه ژوندى نه شي له مرگه ، عمر يې شوم دى چې په خاك يې د پايلو باندې شرنگ كړ 05 كښلى مخ يې لكه څراغ هسې بليږي خوار عاشق يې په دا څراغ باندې پتنگ كړ 06 ملنگان يې د دربار درويزه مومي ما هم ځكه ځان د يار د ور ملنگ كړ 07 ته له ځايه هسې نه وې دا څه حال دى؟ چې په ما باندې دې زړه دا هسې سنگ كړ د قاموس مانا × اصلي کلمه
