ما خو ويل چې ستا په بند کې شم آزاد به شمه

ما خو ويل چې ستا په بند کې شم آزاد به شمه

پوهه غفلت نه کړم په دام کې د صياد به شمه

ستا د يوسف او د يونس او اسماعيل له مخه

که قرباني د نيل نهنگ شي ورته ښاد به شمه

سايين صاحبه بې پروا مې له تعميره مه شه

سيلۍ باران ته ودان کور يمه برباد به شمه

نفسه! که ستا د گډو وډو شيرازه يم څه شي

درته چې زه دخپل سايين راغلمه باد به شمه

چې ښايسته بېنوا داسې خوله شېرينه لري

د قربانۍ ترخځ يې سخ دې شه فرهاد به شمه

که د اکبر په مخ نظر ماتی صاحب وکړلو

ډکه جولۍ په جواهرو د مراد به شمه

حمزه روان اوسه دنيا ده مدرسه د عمل

څو چې ډېر وخورمه لغزش هومره استاد به شمه