نظم
مستانه ساقي راشه، یو جام جام راوړه
غني خانمستانه ساقي راشه، یو جام جام راوړه
موسکۍ شه په خندا شه، یو جام جام راوړه
پیاله کېږده شیرینه، ځواني د ځوانۍ وینه
رنګ رنګ مستي رنګینه، حسینه نازنینه
مجنون یمه، لیلا شه
یو جام جام راوړه
یو ګل یم رژېدلی، یو باغ یم سوځېدلی
یو ساز د ژړا یم، یو آه د بلبلې
ژوندون شه، زما ساه شه
یو جام جام راوړه
ګلفامه ساقي راشه
یو جام جام راوړه
یو راګ یمه خاموشه، نغمه یم فراموشه
ځواني مې په غم بېله، مستي راوړه بېهوشه
د درد دارو زما شه
یو جام جام راوړه
موسکۍ شه په خندا شه
یو جام جام راوړه
مست مست راکړه خوبونه، چې پټ کړم پرې غمونه
شروع کړه د ژوند تال ته، نازک د ښېست سرونه
دلبر شه، دلربا شه
یو جام جام راوړه
مستانه ساقي راشه
یو جام جام راوړه