سترګو د جانان کښې زما ښکلي جهانونه دي

سترګو د جانان کښې زما ښکلي جهانونه دي

واخله دنیا، زه وږی ستا د دنیا نه یم

ګوره د فقیر په کچکول کښې تاج د سکندر پروت

زه یم د سخیانو د شومانو ګدا نه یم

زه یې په غرور درنه د مینې په نوم غواړمه

زه ملنګ بې‌نیازه ستا د وېر واویلا نه یم

یو د سپوږمۍ نه څاڅکی ماله ټیک له د یار غواړم

زه یم د خوبونو د لالونو ګدا نه یم

هغه مستي غواړم چې یې مرګ نشي وژلی

زه دې د غمونو د بېګا او سبا نه یم

او تشه دنیاګۍ که دې بخښي نو اې امیره!

ستا شوه ستا دنیا، زه وږی ستا د دنیا نه یم