مزري کله پرهېزگار دي

مزري کله پرهېزگار دي

خو راغلي په خپل ښکار دي

خوره، خوروه له خپلو لېچو

مزري دا کا چې رويدار دي

چې په توره ترک تازي کا

هغه هر کله کامگار دي

چې اخلاص لري په زړه کې

هغه واړه ايماندار دي

چې يې زړه نه وي د تورې

هغه زړونه څه په کار دي

ننگيالي يې زړه نه وي د تورې

نه په زويه نه په پلار دي

سل د ښکار تر تازي ځارشه

کوټه گان چې د بازار دي

مور دې نه شي باندې بوره

چې مېړونه د کار زار دي

څوک چې شته تر شرقه غربه

د تور زنو خدمتگار دي

سر دې نه غړوي خوشاله!

د بلا نه چې سردار دي