مهربان چې په هر چا باندې مولی شي

مهربان چې په هر چا باندې مولی شي

نو اخته دتورو زلفو په سودا شي

په فنا يې دبقا خوندونه اخلم

چې فنا له حده تېره شي بقا شي

حسن وعشق لکه فتحه، کسره شمار کړه

چې بهر شي ترې الف، الف پيدا شي

خپل محل چې کړي مرض لکه د ځان خپل

چې په سم سره ځيگر سم شي دوا شي

په وفا کې که وفا غواړي جفا ده

معلومتيا د تعلق هم په جفا شي

ما گيله کړه سراسر مې غلطي وه

بېنوا له چې څوک ورشي بې نوا شي

دی زما ابو تراب ثبوت يې دا دی

چې شامل دحرف لی سره حمزه شي