نظم
متلونه
عبدالباري جهانيدا دوستي تر مزله نه سي رسېدلاى
نن سبا به سره ووهي سرونه
كه د غلو وروري خوږه ده يوه شپه ده
او پر وېش به خامخا كوي جنګونه(۷۲)
دا ملګرى په خوله خوږ دى په زړه كوږ دى(۷۳)
يوه ورځ به دي د سر دښمنان ستايي
په خواږه، خواږه ويل درته لګيا وي
نن سبا به دي د كندي پر لور بيا يي(۷۴)
چي په كلي كي د دوو سره جګړه سي
همېشه به د دريم سړي په ښه سي(۷۵)
د چغلو شيطانانو ځالګۍ سي
په يوه ځاى كي چي يو موټى كلى دوه سي(۷٦)