مفت اسان گڼي دا واړه

مفت اسان گڼي دا واړه

پښتانه له جهالته

هر سړی ورته ملا وي

چې په ياد کا څو آيته

چې پيرو هغه شاعر دی

قافيه غلطه کته

هغه سگ ورته ملک دی

چې کولمې وړي له محلته

خان هغه چې تر کوس پرېوځي

په زانگو کې وهي لته

که لږ بد کاندي ډېر ښه دي

سړيتوب باندې روا دی

زوی له پلاره نه وېزار شي پلار له زويه

قباحت دی قباحت دی قباحت دی

په ځوانۍ چې پرهېزگار شي

دجنت دبڼ توتا دی

په دا وخت کې چې لر بر شي

ندامت ورته زېبا دی