نن دې رنگ د ډېره قهره بدل وينم

نن دې رنگ د ډېره قهره بدل وينم

مستعد دې په خفگان او جدل وينم

چې نظر مې ستا د لب په بوسه سېر شو

د بڼو په څوکو ځکه عسل وينم

د کونتر پېر په مخې سترگې دې د باز کړې

په صورت کې دې صورت د اجل وينم

په فتنه کې فتنه آب شوه بخت مې بند دی

بهېدونکي دې په اوښکو کجل وينم

چې دندان دې د شانې ښخ کړه په زلفو

منتشره شېرازه دملل وينم

تعجب دی چې دعشق دعرش دسره

د هجران د سمندر ښکته تل وينم

بې د تا دالفت ناوې ده بې خاله

زه حمزه يې په ښايست کې خلل وينم