نن اختلاط چې د دلبر سره غماز لري

نن اختلاط چې د دلبر سره غماز لري

ځکه دلبر مې د قاتل هر يو انداز لري

پې د غم به تل تر تله وي په زړه د عاشق

په کمان وروځو چې باڼه غشي دراز لري

په زېړ بشر کې منعکس دی ستا جمال زما

سوز ته حيران يم چې نقشه ځان کې د ساز لري

دندان خراب او ناتوان شي په خمار د ميو

بيا هم مجبور دي دعادت نه حرص و آز لري

زاهده! طعن څه په کار په می نوشانو نه دی

يو حقيقت د حقيقت هر يو مجاز لري

راځي سجدو لره سجدې په ډېر نياز و آداب

د چا جبين لره جبين چې د نياز لري

در کې پراته د بېنوا چې دا رندان دي حمزه

می د آلست په پيمانه کې د حجاز لري