نوع ديگر

که له شهدو له روغنه

پورې کېږي ده سودمنه

د سبل مرض به ورک کا

د رنځور مرض به سپک کا

له هندي سرکې ای ياره

که يې پورې کا څو واره

چې څه باد پرې د يرقان وي

د بيمار به ورک آسان وي

که يې پورې کا له بوله

خلاص به شي د برېښ له هوله

د بنگړې له اوبو ياره!

شبکوري وړي له بيماره

که د ښځې پۍ پرې گډ کا

د لېمو گل به گډوډ کا

که يوه پورۍ څوک وخوري

د منگور په وښ به نه مري

سم خوړلي لره بس ده

ډېر بېشانه فرياد رس ده

غوړ د غوا چې زاړۀ ډېر شي

ده ساله يا تر دې تېر شي

هم هغه ښه وي هر گوره

د لېمو زحمت ته وروره

ما مېره هم په دا شان ده

چې د دوو سترگو درمان ده

که رانجه سړی تاوده کا

اطريفل سره يې اوبه کا

په کې ډوب تاوده رانجه کا

اووه ځله دا رنگ وکا

په دار رنگ د ښځې پۍ

اووه ځله ډوب پرې کې

بيا دې واړه ښه ميده کا

په لېمو دې يې ښه سيده کا

چې د سترگو يې زحمت وي

نور به دا رانجه صحت وي