نقاب

که يو ځل خلکو رشتيا وويله

يو ځلي وسپړېدل پټ رازونه

يو ځل رسوا سوې دروغجني ميني

يو ځلي خلکو سره وکتله

ويې ليدل

تر نقابونو لاندي پټ مخونه

او د دوستۍ په پوښ کي نغښتي

شيطاني نيتونه

هغه بېځايه، بې قيمته، بې ارزښته اوښکي

هغه خيرني مکرجني خپلوۍ

يو ځلي يو له بله وتورېدل، وتښتېدل

او يا د قتل په نيت ووتل تېره تېغونه

يا يې هم بل کړل د کسات او انتقام اورونه

دلته به څوک اوسېږي

څوک به ژوندي پاتېږي

د مځکي مخ به ټوله ويني واخلي

هر څه به وسوځېږي

همدا نقاب دئ چي يې مخ د تباهۍ نيولى

همدا نقاب دئ چي ژوندي مو ساتي