نظر

ما ويل ګوره زموږ د ميني کيسه

چي رسوا نه کې بازاري يې نه کې

هسي نه ستا د شوخو سترګو داستان

هسي نه زما لېونتوب

هسي نه زما د تخيل افسانه

هسي نه ستا ياغي کاته

ستا ګيله مني شونډي

د کوم نقاش قلم ته

يا د شاعر تر غوږو ورسېږي

يو ځلي زموږ د خوږې ميني کيسه

د سهم ناکي توري شپې په زړه کي

يوې برېښنا په شاني وپړکېږي

د يوې شمعي په څېر ولګېږي

او په تيارو کي آموخته

بخيلي تنګي سترګي

يو ځل را واړوي له نظره مو کي

ومو سوځي

او را رشتيا کي د بېلتون خوبونه