غزل اوس د وخت په سترگو کې عتاب نه پيدا کېږي امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 اوس د وخت په سترگو کې عتاب نه پيدا کېږي ځکه چې زما تللی شباب نه پيدا کېږي 02 چا ويل چې جزو د خپل کل په خلاف نه ځي ولې نو له سيند ځنې گرداب نه پيدا کېږي 03 ستا ځلا د حسن ته جوهر هم وارخطا شي هېڅ په آيينه کې ستاجواب نه پيدا کېږي 04 څو که ستا لېمه هسې شراب نه پيدا کېږي خدايږو زما زړه غوندې کباب نه پيدا کېږي 05 ښکليه چې قامت دې له قيامت نه بې خبر کړم سوال د هېڅ حساب او د کتاب نه پيدا کېږي 06 چرته خارجي او ناصبي او ښار دعلم ور ور لره بې له بو تراب نه پيدا کېږي 07 څه کړمه حمزه خپله ښکلا راته بلا شوه ځکه مې نظر دانتخاب نه پيدا کېږي د قاموس مانا × اصلي کلمه
