غزل
په دوا څه چې مرض وي په دوا کې
امیر حمزه شینواریپه دوا څه چې مرض وي په دوا کې
په شفا څه چې شفا نه وي شفا کې
زېړ او سور رنگ دعاشق لکه مڼه وي
چې يې يار ساتي په خوف او په رجا کې
سوز دسوز له وېرې داسې غايب شوی
چې مسکن يې پاتې نه دی په ژړا کې
د مجنون اوښکې چې خلاصې شوې بدن کې
غيريت لاړو ليلی شو په ليلی کې
چې رندان دزمانې ورته مشتاق وي
رعونت دی ځکه داسې په مينا کې
د شرابو دالست پکې لذت دی
ای حمزه ستا د سحر په واوېلا کې