په تصور ديار ودان مې شو وطن د خيال

په تصور ديار ودان مې شو وطن د خيال

باغ د ارم مې رنگينۍ شوې په لمن دخيال

نن په صحرا کې د وحشت راغی سپرلی د سکون

پيوند وي ستن د اميد مې پېرهن د خيال

خاندې که ژاړې ستا رضا خو په دې ځای شمعې

پس دمودې مې شو روښانه انجمن دخيال

د اميد ناوې چې په عقد کړه زلمي د خيال

حورې غلمان دې په معنی لوڼه زامن دخيال

څه شو په دې که دا فلک د ورځو شپو کوي خلق

ميده دنيا بله پيدا مې کړي مېچن دخيال

پنجې د برق دباز لري نه کوي تله خو رسي

پر د هما نه دمراد راوړي ښکارزن دخيال

ماته مهرو شو نن په تلو تلو کې موسکی حمزه

که شو اشنا د نوبهاره مې چمن دخيال