غزل
پورته کړه نقاب دې چې دنيا لېمه لېمه شي
امیر حمزه شینواریپورته کړه نقاب دې چې دنيا لېمه لېمه شي
رادې شه په مړو چې مسيحا لېمه لېمه شي
راشه کړه دگل او د نرگس جگړه خلاصه
هغه چې غوږ غوږ شي درته، دا لېمه لېمه شي
زه په زړه داغونه چراغان يوازې نه يم
ستوري به هم ټول درته بېگا لېمه لېمه شي
گواښ دپښتنو بڼو که څو وي په دروغه
زخم به هر يوورته رښتيا لېمه لېمه شي
هر شی د دنيا درته په ځير دی خفه نه يې
برند شې چې کوم دم درته حمزه لېمه لېمه شي