غزل
راشه په کوڅو کې د جرګو خبرې نشي
خاطر افریديراشه په کوڅو کې د جرګو خبرې نشي
چېرته چې په مونږ کې د پردو خبرې نشي
ياره ستا د هجر اوږدو شپو شوګيره کړی يم
ګوره چې مې اوس په اسوېلو خبرې نشي
ډېرو شپو له راشه چې د يو بل نه خبر شو
ياره په يوه شپه د ډېرو شپو خبرې نشي
زه او ته چې اووينو له ورايه سره پوه شو
چا وې چې په سترګو کې د زړو خبرې نشي
خدای خبر خاطره زه بيا چرته ته بيا چرته
پرېږده اوس په تلو کې د راتلو خبرې نشي