روژه د کفارت

مسئله به درته وايم

ښه يې واوره نېکخواه ستا يم

که معتاد خواره په ورځ خوري

يا اوبه کښته تر حلق وري

په روژه کې کفارت دی

منکر مه شه روايت دی

که دارو که زعفران خوري

مشک دا نور چې په دا شان خوري

که دا کار دې په عمدا شي

کفارت په تا روا شي

که دا کار دې په نسيان وي

خوقضا ده کار آسان وي

که لرگي خوري کاڼي ماڼي

کفارت نشته په کاڼي

په دا جنس قضا روژه ده

باور وکړه مسئله ده

که جماع په دبر فرج وي

چې حشقه دې په کې درج وي

کفارت په مرد و زن دی

روايت يې مبرهن دی

که په ښځه زور ستم وي

يا له عقله بېگانه وي

په دا هم کفارت نشته

په مرد شته په عورت نشته

د چارپای دخول ډېر بد دی

چې دا کار که هغه رد دی

په انزال يې قضا بويه

کفارت نشته ای زويه

که انزال ونشه نشته

هم قضا غسل چې څه شته

که دخول کاندې له نره

راشه واوره دا خبره

که رضا وي په دا غاړه

کفارت راغی په دواړه

که په ظلم و جور و ضرب وي

د مظلوم کفارت سلب وي

که په ښځه ښځه خېژي

کفارت باندې رغېږي

کفارت چې واجب کېږي

قضا هم باندې رغېږي