رسم او رواج

د واده او خوښۍ کور کښې

مستې نجونې وې راغونډې

په سازونو کښې می نوشې

په کيفونو کښې مدهوشې

خنداگانې شولې مستې

آرزوگانې په نڅا شوې

جنتونه ورښکاره شوه

د خيالونو په ليمو کښې

چې يوه پېغله ودېږي

نورې پېغلي هوسېږي

شوق راويښ شي

ذوق راويښ شي

سا پيدا شي او ميدو کې

ناوې جوړه په سينگار شوه

د ښايست ډيوه شو بله

سترگې تورې په کجلو

په سپين مخ زلفې خورې شوې

خيالي ناوې شوه سمباله

د وصال د شپې د پاره

ناوې جوړه شوه خو چاته؟

يو ړانده ته نابينا ته

چې يې نه ليده جمال

بې ديداره، و وصال

چا ويل د ناوې کور کښې

فکر وکړئ څه کوئ

ناوې چا ته جوړوئ؟

د سينگار معنا به څه وي

چې کاته ورته هېڅ نه وی؟

مه کوئ خوشې خواري

د ړندو سترگو د پاره

بل ويل دود او دستور دی

همدغه د زمانې

چې ناويانې سينگارېږي

په پودر په لب سيرينو

په خالونو په ټيکو

ځوم که ړوندوي که بينا

دا رواج دی د دنيا

د دنيار سم او رواج

نه بينا گوري نه ړوند

د شهۍ شاهوکه ړوند وي

رواج کله دی بينا

د ړندو بازار دی دا

نه تبعيض نه امتيا شته

په بازار کښې د ړندو

مساوات گوره ساتلی

لا رسمو او رواجو

پکښې نشته توپيرونه

د غني او د فقير

د اعمی او د بصير

نه منطق دلته چلېږي

نه د عقل نصيحت

ما ترې د اقتصاد ملا

د رانه پېټی د رواج

زورر دي رواجونه

ځکه ناوري دليلونه