څه شي که خبرې په پښتو د پښتنو کړې

څه شي که خبرې په پښتو د پښتنو کړې

هله به پښتون يې چې کارونه د پښتو کړې

څوک و چې خبرې يې هر دم د بدرگو کړې

خدايه ته په خير (مو) دا سفر د قافلو کړې

تل پرده دې څه ده چې ستم دې لا سوا شي

کله چې رامخ شې نو پلو دې نيمکښو کړې

څه شي چې دي اوس د رغېدو له کوره وتي

دادې کوم کرم دی چې تپوس د لېونو کړې

ته چې مرور يې تصور دې لا سوا وي

ورک له انتظاره مې مُرور د ورځو شپو کړې

زه يم چې مضراب مې د ضمير د زړه په ساز کړ

دشتې د هستۍ مې سندريزې په نغمو کړې

داسې راته ښکاري گله څه خو ستا په زړه دي

ته چې خاموشۍ کې اشارې په موسېدو کړې

ورځې د ښکلا يې ډېرې ډېرې کړې خاونده

شپې د بېلتانه يې چې په ما باندې پېروز کړې

ستا غوټه جبين کې اشنا پټ دي گردابونه

ته پښتنې داسې احترام د مېلمنو کړې

پوخ دې لېونتوب شو او که روغ شوې پوهه نه يم

وايه حمزه څرنگه احساس د زولنو کړې