صاحبان چې د ارشاد دي مقتدا

صاحبان چې د ارشاد دي مقتدا

چار ياران د پاک رسول دي په رښتيا

له اوله ابوبکر چې صديق دی

بهترين دی له يارانو په هر چا

پس له ده نه بيا بهتر حضرت عمر (رض) دی

چې يې حق باطل په عدل کړ جدا

بيا درېيم پسې عثمان (رض) بن عفان دی

ذوالنورين يې نام په روغه په رښتيا

څلورم پسې بهتر حضرت علي (رض) دی

له اصحابو اولياو کبريا

څلور واړه څلور رکنه د اسلام دي

د اسلام کوټه بې دوی ده بې بقا

اصحاب د پاک رسول وو لکه ستوري

همه واړه د حق لارې رهنما

چې خلاف د دوی له قوله کې شو پيدا

د هغوی خلل په دين کې شو پيدا

ما رحمان دي څلور واړه قبول کړي

دوی زما هم مقتدا دي هم پېشوا