ساقي! بيا د ميو مهر کړه چې عيد شو

ساقي! بيا د ميو مهر کړه چې عيد شو

د رندانو د ښاديو وخت جديد شو

په هر لوري يو افتاب دی ځلېدلی

ښاپېرک يې له جماله نه کور ديد شو

په هر څه کې ننداره د هغه مخ کړم

چې له ډېرې پيدايې ناپديد شو

هم هغه دی همېشه ژوندون موندلی

چې د مستې د غمزې په تېغ شهيد شو

زمانه په خلکو هسې ازمېښت کا

چې يوسف د قبطيانو زر خريد شو

واړه نخښې يې په زړه وينم حضورې

که اشنا په لرې حد له ما بعيد شو

هر چې ستا د ور د سپيو په حساب وي

په جهان کې هم هغه سړی سعيد شو

خط و خال په ښه جمال باندې يو دود دی

نه چې حسن د خوبا په دا مزيد شو

چې دنوم د خوار خوشال په ژبه واخيست

په درست عمر کې خو نن ورباندې عيد شو