صحيح معرفت

بې تميزه خدايږو سترگې د جهان دی

ډېر لېوان شته چې په بڼه د انسان دی

د صورت حجاب نه هغه خوا چې گورم

شلمی خېټی د پخې غلې کندوان دی

په ناطق حيوان تعريف چې د انسان کړی

په خبرو غوليدلی هلکان دی

د شر عصر منطق بېل دی پوهه بېله

ډېر ړانده شته چې د تېر وخت بينايان دی

راشه وغړوه سترگې ځان بيدار کړه

چې انسان پرې پېژانده شي نور شيان دی

حقيقت چې کاندی څوک له پښو لاندې

که مېږی هم ازار نه کړي ظالمان دی

چې واړه يې غولوي په هغه دغه

که په برېتو لاس وهي هم صغيران دی