شپږم باب په بيان د رضا کې

رضا څه ده؟ خوشنودي ده

په کې ډېره بهبودي ده

چې قضا درباندې راشي

په قضا دې رضا ستا شي

که دې سر ځي، که دې مال ځي

په رضا د ذوالجلال ځي

که قضا وته تسليم شي

په بلا کې به بې بيم شي

بختور هغه سړي دي

چې دخدای په کړه راضي دي

رضي اله عنهم گوره

په رضا کې ته ای وروره

په قضا که رضا ستا شي

خدای به هم راضي له تا شي

که راضي په قضا نه شې

په بلا کې به هم ته شې

د خدای حکم به نور نه شي

چې يې حکم هغه وشي