غزل
سپينه ږيره د مردانو کد خدايي ده
خوشحال خان خټکسپينه ږيره د مردانو کد خدايي ده
د غاښونو پرېوتنه رسوايي ده
د سړي چې غاښ په ځای وي، ږيره سپينه
په دا هيڅ زوړوالی نه دی، برنايي ده
دخضاب ځواني د چا ده؟ د احمق ده
تر دا کله ږيره ښه په ښه نايي ده
زوړ سړی دې د زوړوالي اندوه نه کا
که په ځای يې دچشمانو بينايي ده
زاړه مرد لره ليده د دلبر څه دي؟
په معنی دخوږو زړونو موميايي ده
شېخ به کله عاشقي له لاسه پرېښوه
لاس و دست يې نه رسېږي پارسايي ده
تورې ږېرې سره وصله ناداني ده
سپينې ږيرې سره وصله دانايي ده
شېخ به ولې ننداره د ښکليو نه کا
چې دده د زړه د خوږو موميايي ده
که خوشال په عمر لاړ تر اويا تېر شو
لا په زړه کې يې دکښليو اشنايي ده