ستا دپاره

ای زما د زړگي سرد سترگو توره

د بهار وږمه تاوېږي ستا له کوره

دا جهان بهار ښايسته کړ ستا د پاره

ته له خپل قدره خبر نه يې هر گوره

که اسمان او که دا مځکه که هوا ده

که دلمر او د سپوږمۍ سپينه رڼا ده

دغه واړه خدای پيدا کړه ستا د پاره

دنيا ټوله ستا ددوه سترگو بها ده

گلو ځان ښايسته کړی نن زمان دی

ستا دپاره پيدا شوی دا جهان دی

هر شی غواړي چې مقبول شي ستا حضور کې

د لاله په زړه کې هم دغه ارمان دی