غزل ستا په غم کې لکه زه يم بل به نه وي خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ستا په غم کې لکه زه يم بل به نه وي دروغجن يم که بل هسې لکه زه وي 02 ستا له غمه مې ځيگر له وينو ډک شو چاته هيڅ ويلی نه شم زړه مې چوي 03 سر به درکړم په بها کې ديدن راکړه په سودا کې خلل مه کړه که دې زړه وي 04 هسې گل د گلستان په منځ کې نشته هر چې ستا رنگ و بوی پورې په ده نه وي 05 که تل تا لره درځم ملامت مه کړه د بلبلو، تل و گل وته ورتله وي 06 د ښه څيز پوښتنه مه کوه له اصله! د هر يو دکان چې وي کالی دې ښه وي 07 که صورت ژغورې له غمه کاته مه کړه زړه هاله په غم اخته شي چې کاته وي 08 زه خوشال چې اشنا ووينم خوشال شم لکه گل چې تازه شوی په اوبه وي د قاموس مانا × اصلي کلمه
