غزل ستا په زړه کې دي په جدا ډول روان دواړه امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ستا په زړه کې دي په جدا ډول روان دواړه بيا يې له ځان سره يقين او گومان دواړه 02 دين او دنيا دواړو ته که تا امتزاج ورکړ ورک به شي په تا کې د امکان او زمان دواړه 03 ښکاري چې وفا يې هم د تمې پيداوار دی يو چې دي په خوی کې حريفان او سگان دواړه 04 يو حريص د قام ښېگړه، بل غرض د ځان کا څه که يو روزگار کوي مېږي او مچان دواړه 05 گران مې لېونتوب دی له همه وو لېونو نه ما چې ودان کړی دی صحرا او مکان دواړه 06 اوس راته خواږه تراخه د تا، تراخه خواږه شي ما دې چې خواږه تراخه قبول کړه په ځان دواړه 07 ولې نو واعظه په يوکور کې مېشته نه وو ډېره زمانه سره وو، خدای او بتان دواړه 08 پوه چې په مطلب شوم هله پس وپوهېدلم ستا نام او نشان و، زما نوم او نشان دواړه 09 وران په نصيحت د واعظانو حمزه نه شو وگوره حرم او بتکده دي ودان دواړه د قاموس مانا × اصلي کلمه
