غزل
سترگې ستا غړوي زړه
خوشحال خان خټکسترگې ستا غړوي زړه
سترگې ستا پټوي زړه
چې دا خوله خوځوي، دی دی
ژبه ستا ويوي زړه
چې څه کار په لاسو، پښو کړې
دا هم ستا ښوروي زړه
اورېده په دواړو غوږو
هم په تا اوروي زړه
چې نيکي کړې يا بدي کړې
واړه تا سندوي زړه
چې خندا کړې، يا ژړا کړې
خندوي، ژړوي زړه
دواړه کونه لکه تن دي
کار د تن جوړوي زړه
زړه يې چون او بېچگون دی
څوک دا غوښه گڼي زړه
د خوشال په زړه کې يو دی
څوک يې څه لټوي زړه