تاو د عشق زما جوثه کړله بد رنگه

تاو د عشق زما جوثه کړله بد رنگه

و عاشق ته ده ښايسته د گل تر رنگه

عاشقۍ لره تکميل په هجران ښه وي

پايېدار بوڼلی کټ وي تل په لنگه

ورمعلوم نه شو نظر د امتياز مې

امان غواړي عاشقي زما له جنگه

د ظاهر په صفايۍ کې کدروت وي

ايينې لره خلاصی نه وي له زنگه

که مې څومره تجارت وکړ د مينې

هېڅ پرې زياته کمه نه شوه زما پنگه

د اشنا دسترگو می در پورې نه وي

چې ځيگر لره راځي مژگان خدنگه

زه حمزه يم له هر څه نه ازاد شوی

ملنگان چرې زېر نه وي له قلنگه