غزل تر هر چا دی زما يار ښه خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 تر هر چا دی زما يار ښه شېرين لب و شکر باز ښه 02 تر سنبلو يې ښې زلفې تر گلونو يې رخسار ښه 03 تورې سترگې، تورې وروځې تور گېسو يې تار په تار ښه 04 تنگه خوله يې نېسته هسته لکه خوله، هسې گفتار ښه 05 لکه دُر هسې غاښونه لا تر دُرو سپين هموار ښه 06 تر ويښته يې ملا نريه تن يې لا تر سپين چوتار ښه 07 قد يې ښه تر سبر ونې لکه قد هسې رفتار ښه 08 چې هر ځای وته يې گورم سر تر پايه پريوار ښه 09 خدايه ماتې هغه خولې کړې چې به وايې هندو بار ښه 10 هومره کلي، ډېر ښارونه پکې نشته يو نگار ښه 11 چې پکې خواږه ياران دي پېښور تر هر ديار ښه 12 په موسم د ښو گلونو تر هر څه دميرې ښکار ښه 13 ښه په هند کې چنبا گل دی تر دا گل د وطن خار ښه 14 د سرای قدر نور چا نه زده په خوشال دی تر فرخار ښه د قاموس مانا × اصلي کلمه
