هغه مخ چې ښايسته د نندارو وي

هغه مخ چې ښايسته د نندارو وي

چې يې ويني د هر چا پسې هو هو وي

د بلبلو له بلغاکه دلگير مه شه

هغه ځای چې رنگ و بو وي، گفتگو وي

که هر څو ښايسته ډېر دي، گومان نه کړم

چې به بله لکه ته پاکيزه رو وي

تور گيسو پر همگي صورت خواره کړه

چې دې درست صورت همه دمښکو بو وي

زه به سترگې ستا له مخه نه وانخلم

مخامخ که تير انداز راته يو څو وي

قاصدان زما د اوښکو کښته پورته

همېشه دکښلي مخ په جستجو وي

نن چې ته له مانه ځې زړه مې خوشال کړه

ياره! ستا وعده به کله د راتلو وي